Бүген Кошман мәктәбеннән 14 укучы "Мәктәпкә җыенырга булыш" дигән хәйрия акциясенә нәтиҗә ясау чарасында катнаштылар. Беренче класска баручы 9 балага мәктәп сумкалары һәм канцелярия товарлары бирелде. Иганәчеләр, оешма коллективлары акчаларына алынган күп балалы, аз керемле гаиләләрдә тәрбияләнүче 5 укучыга спорт формалары бирелде.
Хәйрия акциясендә район башлыгы Альберт Рәхмәтуллин, ТР "Наз ятим балалар һәм инвалидларга ярдәм күрсәтү хәйрия фонды директоры Нурания Сәйфетдинова катнашты.