Кичә Әбрар Сәгыйди исемендәге Кошман төп гомуми белем бирү мәктәбенең капиталь ремонттан соң тантаналы ачылышы булды. Чарада КФУ ректоры, Татарстан Дәүләт Советы депутаты Илшат Гафуров, район башлыгы Альберт Рәхмәтуллин, ТР Мәгариф һәм фән министрлыгының Фәнни-техник сәясәт бүлегенең әйдәп баручы киңәшчесе Җәлил Мотыйгуллин, «ВИКА» ҖЧҖ төзелеш фирмасы директоры Хәйруллин Фәнис Минвәли улы, авыл халкы һәм райондагы оешма җитәкчеләре катнашты.