ЯҢАЛЫКЛАР

Эдуард Яфас улы Вафин Россия Федерациясе Пенсия фонды Идарәсе карары нигезендә 2023 елның 1 гыйнварыннан Татарстан Республикасы буенча Россия Федерациясе пенсия һәм социаль иминиятләштерү фондының бүлек идарәчесе итеп билгеләнде.

         Пенсия фондында һөнәри эшчәнлеген Эдуард Яфас улы Вафин 2000 елда башлады һәм төбәк ведомствосы башлыгы дәрәҗәсенә күтәрелгәнче бүлекчә эшчәнлегенең барлык җаваплы баскычларын үтте: икътисадый бүлекнең әйдәп баручы белгече, бюджет бүлегендә финанс белән тәэмин итү төркеменең баш белгече, Пенсия фонды Идарәсенең финанс белән тәэмин итү төркеме җитәкчесе, бюджет бүлеге башлыгы, бюджет идарәсе башлыгы, бүлек   идарәчесенең беренче урынбасары булып эшләде. 2016 елның мартында Россия Пенсия фондының Татарстан Республикасы буенча бүлек идарәчесе итеп билгеләнде.

        Эдуард Яфас улы икътисад фәннәре кандидаты  дигән гыйльми дәрәҗә иясе, Татарстан Республикасының Атказанган икътисадчысы, күпсанлы фәнни хезмәтләр, монографияләр һәм уку әсбаплары авторы, Россия Пенсия фонды Идарәсе, Татарстан Республикасы Президенты һәм Хөкүмәтенең  Рәхмәт хатлары белән бүләкләнгән .

       Эдуард Вафинның яңа вазыйфасы -  һөнәри эшчәнлегенең, дөрес стратегия һәм  идарә төпле карарларының закончалыклы баскычы ул.  Россия Пенсия фонды Татарстан бүлегенең күп еллар дәвамында дәүләт хезмәтләре күрсәтү сыйфаты буенча лидерлык позицияләрен саклавы - шуларның уңай нәтиҗәсе .

        Исегезгә төшерәбез, Россиянең бердәм социаль фонды үз эшен 2023 елның 1 гыйнварында башлаячак. Фонд Пенсия фонды һәм Социаль иминият фонды кушылу нәтиҗәсендә барлыкка килә. Берләшү ике фонд компетенциясендә булган барлык түләүләрнең һәм хезмәт күрсәтүләрнең  тулы дәвамлылыгын күздә тота. Яңа фонд эшчәнлеген гражданнарга хезмәт күрсәтү сыйфатын күтәрүгә, ярдәм чараларын тизрәк һәм уңайлырак күрсәтүгә юнәлдерәчәк.

          Эдуард  Вафин турында белешмә: 1979 елның 1 маенда туган. Инженер һәм балалар бакчасы хезмәткәре гаиләсендә туып үскән. Өч югары белеме, бик яхшы билгеләренә тәмамлаган өч дипломы бар. 33 китап, шулай ук бөтенроссия һәм халыкара фәнни-гамәли конференцияләр хезмәтләрендә басылып чыккан 181 публикация авторы.

Татарстан Республикасы буенча Пенсия фонды бүлеге хәбәр иткәнчә, гадәттәгечә балаларга һәм авырлы хатыннарга декабрь ае өчен тиешле  пособиеләр вакытыннан алда, яңа  ел бәйрәмнәренә кадәр түләнәчәк.   Ярдәм чараларын кредит учреждениеләре аша алучы гражданнар да түләүләрне  вакытыннан алда алачак.

       Балаларга һәм йөкле хатыннарга вакытыннан алда түләүләр түбәндәгечә башкарылачак:

        2023 елның  эш көне булмаган  3 гыйнвары өчен  быелның 29 декабрендә пособие алучылар счетларына түбәндәге айлык түләүләр керәчәк:

- йөклелекнең иртә срогында исәпкә баскан хатыннарга;

- 8 яшьтән 17 яшькә кадәрге балаларга;

- яшь ярымга кадәр баланы карау буенча эшләмәүче ата-аналарга;

- чакырылыш буенча хезмәт итүче хәрби хезмәткәрләр балаларына.

        Түләүләрне “Россия почтасы" бүлеге аша пособие алучыларга ай саен түләнә торган пособиеләр  график буенча 2023 елның 3 гыйнварыннан 25 гыйнварына кадәр түләнәчәк.

        Пенсияләр һәм башка социаль түләүләр:

 "Картлык буенча иминият пенсияләре гыйнвар өчен эшләмәүче пенсионерларга индексацияләнгән күләмдә түләнәчәк. 2023 елның гыйнварыннан индексация суммасы 4,8% дәрәҗәсендә билгеләнгән”, - дип ачыклык кертте Россия Пенсия фондының Татарстан бүлеге башлыгы Эдуард Вафин.

          Кредит учреждениеләре аша пенсияләр  билгеләнгән график буенча - 2023 елның 12 гыйнварыннан соң башкарылачак.

          "Россия почтасы" бүлеге аша пенсияләр һәм социаль түләүләр гадәти график буенча түләнәчәк. Почта элемтәсе бүлекләре республикада түләү чоры башлану белән бер үк вакытта, почта бүлекчәләренең эш графигы нигезендә ачылачак. Җибәрү датасы пенсионерның яшәү адресы буенча билгеләнгән.

8 яшьтән 17 яшькә  кадәрге балаларга айлык  пособие Татарстанның мәктәп яшендәге 55 мең баласына  максималь күләмдә бирелә. Гаиләләргә мондый түләү күләме Татарстан Республикасында балалар өчен билгеләнгән яшәү минимумын - 11 476 сумны тәшкил итә.

            Пособиене  рәсмиләштерү  шартлары  буенча түләү, ата-аналарның керемнәренә карап, 50%, 75% яки яшәү минимумының 100% куләмендә булырга мөмкин. База күләмендә пособие билгеләгәч тә (яшәү минимумының 50% ) гаиләдә бер кешегә керем  уртача  яшәү  минимумыннан кимрәк булса, түләүне 75% ка кадәр арттыралар. Әлеге куләмдә пособие билгеләгәч тә гаиләнең уртача кереме яшәү минимумыннан кимрәк булган очракта, Пенсия фонды пособиене максималь күләмдә -  регионда  яшәү минимумының 100% ы күләмендә билгели.

           Пособие билгеләгәндә, мохтаҗлык критерийлары кулланыла, алар керемнәр белән беррәттән гаиләнеке булган мөлкәтне дә үз эченә ала.

           Пособиене рәсмиләштерү процедурасы гади. Күпчелек очракта түләүне рәсмиләштерү өчен  гариза бирү дә җитә. Калган мәгълүматларны Пенсия фонды дәүләт мәгълүмат системалары һәм ведомствоара хезмәттәшлек аша раслый.

           Гаризаны  дәүләт хезмәтләре порталында, Пенсия фонды һәм күпфункцияле үзәкләрнең клиентлар кабул итү офисларында тапшырырга мөмкин.

          Исегезгә төшерәбез, 2023 елның 1 гыйнварыннан балаларга һәм йөкле хатын-кызларга Бердәм пособие кертелә, ул гамәлдәге алты төр ярдәм чарасын берләштерәчәк (бала тууга яисә уллыкка алуга бәйле түләүләр, бала 3 яшькә җиткәнчегә кадәр түләүләр; 3 яшьтән 8 яшькә кадәрге һәм 8 яшьтән 17 яшькә кадәрге балаларга түләүләр).

           Ата-аналарның керемнәренә карап, пособие күләме дифференциацияләнгән: ул  төбәктә  яшәү минимумының: 50%, 75% яки 100%.ы күләмендә билгеләнә. Хәзер  3 яшьтән 8 яшькә кадәрге һәм 8 яшьтән 17 яшькә кадәрге балалы гаиләләргә пособиеләр әлеге кагыйдәләр буенча түләнә.

Россия Пенсия фондының Татарстан бүлеге хәбәр иткәнчә, Россия Пенсия фонды сайтында 2023елның 1 гыйнварыннан эшли башлаячак Россия Социаль фонды турында  бүлек ачылды.

        Пенсия  һәм Социаль иминият фондын берләштерү социаль ярдәм чараларыннан файдалануны гадиләштерәчәк - барлык федераль түләүләрне "бер тәрәзә" режимында алырга мөмкин булачак. Берләштерү бүген ике фонд компетенциясендә булган барлык түләүләрнең, хезмәт күрсәтүләрнең һәм йөкләмәләрнең тулы дәвамлылыгын күздә тота. Димәк, структураларны берләштергәннән соң, хәзер Пенсия фонды һәм социаль иминият фонды күрсәтә торган барлык хезмәтләрдән   элеккеге тәртиптә файдаланырга  мөмкин булачак.

         Шул ук вакытта Россия социаль фонды бизнеска административ йөкләнешне киметәчәк һәм дәүләт социаль иминиятләштерүе белән тәэмин ителгән россиялеләрнең категорияләре санын арттырачак. Гражданнар өчен электрон сервислар саны арттырыла, балалы гаиләләр һәм авырлы хатын-кызлар бердәм пособие алачак, иминиятләүчеләр хисапны  яңа форма буенча тапшырачак.

          2023 елның 1 гыйнварыннан Россия социаль фонды гражданнарны  клиент хезмәте күрсәтүнең бердәм офисларында кабул итәчәк, алар  Пенсия фондының хәзерге клиент хезмәте күрсәтү адреслары буенча урнашачак. Бу офисларның күбесе инде пилот режимында эшли. Киләчәктә барлык федераль социаль ярдәм чараларын бер мөрәҗәгать буенча рәсмиләштерергә мөмкин булачак. Пенсионерлар, балалы гаиләләр, инвалидлар  клиент хезмәте күрсәтүнең үзләренә уңайлы, якын адрес буенча урнашкан бердәм офисына яки күпфункцияле үзәккә мөрәҗәгать итә алачак.

           Россия Пенсия фондының Татарстан Республикасы буенча Бүлекчәсе идарәчесе Эдуард Вафин билгеләп үткәнчә, Пенсия фондының социаль иминиятләштерү фонды белән берләшүе   закончалыклы адым. "30 елдан артык тарихы булган Россия Пенсия фонды замана белән бергә атлады, федераль законнарны тулысынча гамәлгә ашырды. Пенсия белән тәэмин итү өчен генә җавап бирә торган оешмадан Пенсия фонды гражданнарга туганнан алып бөтен гомер буена ярдәм итү чараларын күрсәтүче көчле социаль институтка әверелде. Аны Социаль Фонд итеп үзгәртү Россиядә пенсия һәм социаль иминиятләштерүне камилләштерүдә яңа адым булачак ", - дип аңлатты ул.

            Берләштерелгән Фонд турындагы мәгълүмат белән https://pfr.gov.ru/grazhdanam/social_fond сылтамасы буенча танышырга мөмкин.

2022 елда 18,4 меңнән артык гаилә Ана капиталын торак шартларын яхшыртуга җибәргән. Бу ана капиталын файдалануның иң популяр юнәлешләренең берсе - ел башыннан барлыгы 65,2% гариза бирелгән.

         16,1 мең гаилә торак сатып алуга яки төзүгә алынган кредитның беренче кертемен ана капиталы белән түләгән яисә шул максатка алынган кредитны тулысынча ана капиталы хисабына каплаган. Тагын 2,3 мең гаилә торак шартларын кредит акчаларын җәлеп итмичә генә яхшырткан. Бу максатларга Пенсия фонды гаиләләргә 10 миллиард сум  акча күчергән, бу быел ана капиталы бирүгә юнәлтелгән барлык сумманың 95 %ын диярлек тәшкил итә.

          Ана капиталы акчасын торак шартларын яхшыртуга сертификат алырга хокук биргән балага  өч яшь тулгач  сарыф итәргә мөмкин. Бары тик ипотека буенча  төп бурычны түләү яки беренче кертемне каплау гына  искәрмә булып тора. Бу очракта сертификат акчаларын бала тугач яки уллыкка алынгач ук тотарга рөхсәт ителә.

           "2020 елның апреленнән кредитка (ипотекага) торак сатып  алганда ана капиталын файдалану турындагы гаризаны турыдан-туры кредит рәсмиләштерелә торган банкта  тапшырырга мөмкин. Гаризаларны һәм кирәкле документларны банклар Пенсия фондының территориаль органнарына электрон элемтә каналлары буенча тапшыралар. Болай эшләү ана капиталы чараларыннан файдалануны тизләтергә мөмкинлек бирә», - дип билгеләп үтте Татарстан Пенсия фонды Бүлекчәсе идарәчесе Эдуард Вафин.