ЯҢАЛЫКЛАР

2024 елдан  башлап Татарстан Республикасының 4 меңнән артык гаиләсе ана капиталы  акчасының калган өлешен бер тапкыр түләү рәвешендә алу хокукыннан файдаланды.         Түләүләр калган сумма 10 мең сумнан кимрәк булган гаиләләргә бирелә.

        Ана капиталы акчаларын төрле максатларда (мәсәлән, торак шартларын яхшырту яки балалар укыткан өчен түләү) файдаланганнан соң, счетта 10 мең сумнан да азрак акча калган очракта, гаилә аны   акчалата  алырга мөмкин. Ярдәмнең мондый чарасы ана капиталы акчаларын мөмкин кадәр нәтиҗәлерәк файдаланырга мөмкинлек бирә.

         "Әлеге программа ярдәмендә без калган акчаны балаларыбызның хыялларын тормышка ашыру өчен куллана  алдык. Улыма телескоп, ә кызыма яшь химик җыелмасы сатып алдык”, - дип сөйләде Казаннан ике бала әнисе Анна Иванова.

         Мондый мөмкинлек элек ана капиталы акчаларын торак шартларын яхшырту, балалар укыткан өчен түләү, ананың  тупланма пенсиясен формалаштыру яки законда каралган башка максатларда  кулланган барлык гаиләләргә бирелә.

         Дәүләт хезмәтләре порталындагы шәхси кабинет аша бирелгән гариза буенча уңай карар чыгарылганнан соң, акча 5 эш көне дәвамында күчерелә.

          "Без гаиләләрнең ана капиталыннан файдалануның мөмкин булган барлык ресурсларын  тормыш шартларын яхшырту максатында куллана алуларына  шат. Бу- гаиләләрнең финанс тотрыклылыгын тәэмин итү һәм республиканың демографик үсешенә

ярдәм итү юнәлешендә мөһим адым”, - диде, Татарстан Республикасы буенча СФР бүлеге идарәчесе Эдуард Вафин.

        Өстәмә мәгълүмат яки консультация алу өчен гражданнар   мөрәҗәгать итә ала:

        - Бердәм контакт-үзәк аша: ☎ 8-800-1-00000-1 (бушлай, дүш.-пәнҗ.: 08:00-17:00, җомга.: 08:00-15:45);

        - Татарстан Республикасы буенча Социаль фонд бүлегенең рәсми социаль челтәрләрдә:                      - ВКонтакте

- Одноклассники

- Telegram

Быелдан башлап I төркем инвалидларны (балачактан I төркем инвалидлардан тыш) яки 80 яшьтән өлкәнрәкләрне  караган хезмәткә яраклы гражданнарга ай саен түләнә торган түләүләр бирелмәячәк. Әлеге төр түләү  автомат рәвештә I төркем инвалидлар һәм 80 яшьтән өлкәнрәк  кешеләрнең пенсияләренә өстәмә рәвешендә билгеләнгән.

        Шул ук вакытта аларны караган чор,  элеккеге кебек үк, хезмәткә сәләтле гражданнарның иминият стажында исәпкә алына. Тулы бер  ел  өчен 1,8 пенсия коэффициенты исәпләнә (ИПК).

         «Түләүләрнең яңа механизмы татарстанлылар өчен әлеге хезмәттән файдалану  процессын гадиләштерде. Хәзер түләү автомат режимда гариза кабул итмичә генә  билгеләнә. Өстәвенә, түләү ел саен пенсия белән бергә индексацияләнәчәк», - дип билгеләп үтте Россия Социаль фондының Татарстан Республикасы  бүлеге идарәчесе Эдуард Вафин.

         Россия Социаль фондының Татарстан Республикасы бүлеге тарафыннан 2024 елда әлеге категориягә керүчеләрне караган гражданнарның шәхси  счетларында карау  чорлары автомат рәвештә  исәпкә алынды. Моның өчен Татарстан Республикасы буенча Россия Социаль фонды бүлегенә мөрәҗәгать итү таләп ителми. Тәрбия 2025 елның 1 гыйнварыннан башланган очракта, хезмәткә сәләтле гражданга әлеге чорны шәхси исәп-хисап счетында исәпкә алу өчен гариза бирергә кирәк.

.

          Әгәр караучы һәм тәрбиягә мохтаҗ кеше аерым яшәсәләр, соңгыларыннан яисә аларның законлы вәкилләреннән язма раслама таләп ителә. Документта карау чыннан да башкарылганы расланырга һәм хезмәт күрсәтү чоры күрсәтелгән булырга тиеш. Әлеге фактның дөреслеген шулай ук гаилә әгъзалары да раслый алачак. Бәхәсле очракларда  Социаль фонд бүлеге хезмәт күрсәтү  шартларын ачыклау өчен, тикшерү акты уздырырга мөмкин.

          "Мин  85 яшьлек  әнине карыйм. Элек караучыны алмаштырган очракта һәрвакыт  гариза бирергә туры килә иде. Үзгәрешләр нәтиҗәсендә әлеге процесс күпкә җиңеләйде. Әнине  пенсиягә өстәмә кушылу сөендерсә,  мин  стажым артканга куанам, - дип өстәде, Россия Социаль фондының Татарстан Республикасы  бүлегенең хезмәтләреннән файдаланучы Марина Семенова.

          Актуаль яңалыклар белән сез безнең ВКонтакте, Одноклассники һәм Telegram социаль челтәрләрдә  таныша аласыз. Шулай ук дүшәмбе-пәнҗешәмбе коннәрендә 08.00-17.00 сәгатьләрдә, җомга көнне иртәнге 8 дән 15.45кә кадәр Россия Социаль фондының Татарстан Республикасы бүлеге  бердәм контакт-үзәге телефоны буенча консультация ала аласыз:8-800-1-00000-1.

Республикада ел башыннан  15 900  гаилә ана капиталы акчасын торак шартларын яхшыртуга юнәлдергән. 2,4 меңнән гаилә ана капиталы акчасына  торак сатып алган,  ә 13,5 меңнән гаилә банклардагы кредитларын түләгән. Бу максатлар өчен Татарстан Республикасы СФР Бүлеге 10,3 млрд. сум күчерде.

      "Ипотека буенча төп бурычны каплаган яки беренчел взнос түләгән очракта, сертификат акчаларын ана капиталына хокук барлыкка китергән  бала тугач ук сарыф итәргә мөмкин. Ана капиталы акчасын торак шартларын кредит акчаларын файдаланмыйча гына яхшыртуга файдалану өчен ана капиталына хокук биргән балага 3 яшь тулган булырга  тиеш», - дип билгеләп үтте Россия Социаль фондының Татарстан Республикасы бүлеге идарәчесе Эдуард Вафин.

       Ана капиталы акчасын  торак шартларын яхшыртуга файдалану турында гаризаны Дәүләт хезмәтләре порталында, ә кредит акчаларын җәлеп иткән очракта - кредит рәсмиләштерелә торган банкта ук бирергә мөмкин. Димәк,  гаиләләргә Россия Социаль фондының Татарстан Республикасы  бүлеге үзара хезмәттәшлек турында килешү төзегән банкка  мөрәҗәгать итү җитә. Банклар исемлеге белән Россия Социаль фонды сайтындагы төбәк битендә танышырга мөмкин.

       Актуаль яңалыклар белән сез  безнең ВКонтакте, Одноклассники һәм Telegram социаль челтәрләрдә дә таныша аласыз.

       Шулай ук Татарстан буенча Социаль фонд  бүлегенең Бердәм контакт-үзәге телефоны буенча консультация ала алырга мөмкин: 8-800-1-00000-1 (дүшәмбедән пәнҗешәмбегә кадәр  08.00 - 17.00 сәгатьләрдә, җомга конне 08.00 сәгатьтән 15.45 кә кадәр).

Кайбыч районы прокуратурасы 38 яшьлек ир – атка карата җинаять эше буенча дәүләт гаепләвен хуплады.

Суд аны РФ Җинаять кодексының 112 маддәсенең 1 өлешендә каралган җинаять кылуда гаепле дип тапты (аңлы рәвештә сәламәтлеккә уртача зыян салу).

2024 елның августында гаепләнүче, Кайбыч районының Афанасьевка авылында булганда, үз коллегасына суккан, нәтиҗәдә зыян күрүче уртача авырлыктагы тән җәрәхәтләре алган.

Ир-ат үз гаебен таныган. Суд 1 елга ирегеннән мәхрүм итү рәвешендәге җәзаны билгеләде.

Йомшарткыч шартларны исәпкә алып, җәза 7 айга сынау срогы белән шартлы рәвештә билгеләнгән.

Кайбыч районы прокуратурасы 37 яшьлек җирле кешегә карата җинаять эше буенча дәүләт гаепләвен хуплады. Ул Россия Федерациясе Җинаять кодексының 264.1 маддәсенең 1 өлешендә каралган җинаять кылуда гаепле дип табылды (башка механик транспорт чарасына исерек хәлдә булган, транспорт чарасына исерек хәлдә идарә иткән өчен административ җәзага тартылган зат белән идарә итү).

Ачыкланганча, 2024 елның августында гаепләнүче исерек хәлдә транспорт чарасы белән идарә иткән өчен административ җаваплылыкка тартылган.

Шуңа да карамастан, ул үзе өчен тиешле нәтиҗәләр ясамады. 2024 елның октябрендә, мопед белән идарә иткәндә, күрсәтелгән ир-ат Кайбыч районы Надеждино авылының Үзәк урамы буйлап хәрәкәт иткән, анда аны полиция хезмәткәре туктаткан, ул соңгысына исереклек халәтенә медицина тикшерүе узарга тәкъдим иткән. Ир-ат тикшерү узудан баш тарткан.

Гаепләнүче үз гаебен таныды. Суд карары белән аңа 180 сәгатькә мәҗбүри эшләр рәвешендә җәза билгеләнгән, транспорт чаралары белән идарә итү хокукыннан 2 елга мәхрүм ителгән.

Мопед дәүләт файдасына конфискацияләнгән. Хөкем карары законлы көченә кермәде.

Кайбыч районы прокуратурасы. 28.01.2025

Кайбыч районы прокуратурасы 49 яшьлек җирле кешегә карата җинаять эшен судка юллаган. Ул Россия Федерациясе Җинаять кодексының 264.1 маддәсенең 1 өлешендә каралган җинаять кылуда гаепләнә (башка механик транспорт чарасына исерек хәлдә булган, транспорт чарасына исерек хәлдә идарә иткән өчен административ җәзага тартылган зат белән идарә итү).

Тикшерү версиясе буенча, 2024 елның декабрендә ир-ат, элегрәк исерек хәлдә транспорт чарасы белән идарә итү өчен административ җаваплылыкка тартылган хәлдә, кар машинасы белән идарә итеп, Кайбыч районы Мәлки авылының Үзәк урамы буйлап хәрәкәт иткән, анда ул йортларның берсе янында туктаган. Шул вакытта килеп җиткән полиция хезмәткәре аңа исерү халәтенә медицина тикшерүе узарга тәкъдим итә, соңгысы моңа ризалаша. Тикшерү нәтиҗәсендә ир-атта исереклек ачыкланган.  Эш Кайбыч районы суды карамагында.

Кайбыч районы прокуратурасы. 28.01.2025

Пенсияләрне 7,3% ка индексацияләү  нәтиҗәсендә иминият пенсиясенең уртача күләме 1 617 сумга артты һәм уртача 23 777 сум тәшкил итте. Картлык буенча хезмәт пенсиясе белән бергә инвалидлык буенча һәм туендыручысын югалту сәбәпле иминият  пенсияләре  дә артты.

        Соңгы индексациянең үзенчәлеге аның эшләүче пенсионерларга да кагылуында. Пенсияләр моңа кадәр үткәрелгән барлык индексацияләрне исәпкә алып билгеләнгән  суммага арттырылды, индексация 200 меңнән артык эшләүче пенсионерга кагылды. Эшләүче пенсионерларның пенсияләрен индексацияләү аларга түләнә торган пенсиягә түгел, ә аның билгеләнгән күләменә карата кулланылган, анда инде хезмәт эшчәнлеге чорында үткәрелгән барлык   индексацияләр дә исәпкә алынган.

         "Әлеге  вариант пенсионерлар индексация нәтиҗәсендә шактый өстәмә акча ала алсын өчен кулланылды. Бу исә индексация  эшләүче пенсионер хәзер ала торган суммага түгел, ә ул эштән туктаган очракта алачак пенсия суммасына ясалган дигән сүз. Эштән туктаганнан соң, аның пенсиясе ул пенсия яшенә җиткәннән соң үткәрелгән барлык индексацияләрне исәпкә алып кабат  исәпләнәчәк,», - дип аңлатты Татарстан Республикасы буенча Социаль фонд бүлеге идарәчесе Эдуард Вафин.

          Мисал. Эшләүче пенсионер 2021 елдан бирле 17 425 мең күләмендә пенсия ала. Аның шәхси счетында пенсиянең күләме ул пенсиягә чыкканнан соң үткәрелгән индексацияләрне исәпкә алып, 22 809 сум күләмендә билгеләнгән. Гыйнвар индексациясе әлеге югары пенсия күләменә карата  7,3% ка ясалган. Нәтиҗәдә, пенсионер  ала торган 17 425 сум пенсиягә 1 665 сум өстәлгән. Ә пенсионер эштән туктагач, аның индексация нәтиҗәсендә арттырылган пенсиясенә төшереп калдырылган индексацияләр суммасы да өстәләчәк  һәм  пенсиясе 24 474 сум тәшкил итәчәк.

          Бер үк вакытта индивидуаль пенсия коэффициенты бәясе һәм иминият пенсиясенә беркетелгән түләү күләме дә 7,3 %ка арттырылды. Бер индивидуаль пенсия коэффициентының бәясе 133,05 сумнан 142,76 сумга кадәр, иминият пенсиясенә теркәлгән түләү күләме 8 134,88 сумнан 8 728,73 сумга кадәр арттырылды.

          Сорауларыгыз булса, сез Татарстан буенча Социаль фонд бүлегенең бердәм контакт-үзәге телефоны буенча консультация ала аласыз: 8-800-1-00000-1 (дүш.-пәнҗ. 08.00 дән 17.00 гә кадәр, җомга  08.00 сәгатьтән 15.45 кә кадәр). 

          Актуаль яңалыклар белән сез шулай ук - ВКонтакте, Одноклассники һәм Telegram социаль челтәрләрендә дә таныша аласыз.

Суд аны Россия Федерациясе Җинаять кодексының 166 статьясындагы 1 өлешендә каралган җинаять кылуда, автомобиль яисә башка транспорт чарасын урлау (урлау) максатыннан башка хокуксыз тоткан өчен гаепле дип тапты.

Судта ачыкланганча, 2023 елның ноябрендә хөкем ителүе гамәлдән чыгарылмаган гаепләнүче төнлә Кайбыч муниципаль районы территориясендә «Пежо»маркалы автомобилен хокуксыз кулга төшергән.

Ир-ат үз гаебен таныган. Суд ир-атны РФ Җинаять кодексының 166 маддәсе 1 өлешендә каралган җинаять кылуда гаепле дип танырга һәм җинаятьләр җыелмасы буенча җәзаны катгый режимлы төзәтү колониясендә ике елга ирегеннән мәхрүм итү рәвешендәге җәза билгеләргә карар чыгарды.

Киләсе елдан Россия Социаль фондының Татарстан бүлеге эшләүче пенсионерларның пенсияләрен кабат индексацияли башлаячак. Димәк, эшләү яисә эштән туктау фактына бәйсез рәвештә пенсия алучыларның барысының пенсияләре артачак. Әмма әлеге факт түләүләрнең арту күләменә турыдан-туры бәйле.

         Быел Президент кул куйган үзгәрешләр нигезендә хәзер эшләүче пенсионерларның пенсияләре эшләмәүчеләрнеке белән беррәттән индексацияләнергә тиеш. Моңа кадәр индексация пенсионер эштән туктаганнан соң гына ясала  иде. Хәзер  Социаль фондның Татарстан бүлеге хезмәт эшчәнлегенә бәйсез рәвештә барлык пенсияләрне индексацияләячәк.

         Арттыру механизмының үзенчәлеге шунда ки, индексацияне түләнә торган пенсиягә түгел, ә  хезмәт эшчәнлеге чорлары өчен барлык индексацияләрне исәпкә алып билгеләнгән күләменә карата кулланалар. Мондый вариант пенсионерлар индексация нәтиҗәсендә сизелерлек өстәмә ала алсын өчен каралган.

        Индексация дәрәҗәсе эшләүче пенсионер хәзер ала торган суммадан түгел, ә эшләмәүче пенсионер булган очракта ала алган суммадан саналачак. Мәсәлән, пенсионерның шәхси счётында  чагылыш тапкан барлык индексацияләрне исәпкә алып, аның пенсия күләме 25 мең сум тәшкил итә. Ләкин, пенсия билгеләгәннән соң ул берничә ел эшләвен дәвам иткәнгә күрә, аңа түләү,  индексацияләрне исәпкә алмыйча,  17 мең сум күләмендә башкарыла. Индексация  25 мең сумнан чыгып, ягъни барлык индексацияләрне исәпкә алып ясала. Шул рәвешле, эшләүче пенсионерның пенсиясе аена 1 825 сумга артачак (25 мең сумнан 7,3 %). Пенсионер кулына 18 825 сум (17 000 +1 825 сум) алачак.

       Пенсионер эштән туктагач, 2025 елда ясалган индексациягә өстәп, аның  пенсиясен барлык индесацияләрне дә исәпкә алып исәпләячәкләр. Шуңа күрә гыйнвар аенда  моңа кадәр эштән туктаган пенсионерларның пенсияләрен максималь арттыру көтелә. Башка сүзләр белән әйткәндә, түләүләрне арттыру барлык пенсионерлар өчен  гарантияләнгән, ләкин хезмәт эшчәнлеген туктатучылар  хезмәт эшчәнлеген туктату белән бәйле өстәмә дә алачак.

       Яңа елдан индексация 7,3% дәрәҗәсендә планлаштырыла. Әмма Хөкүмәт ел нәтиҗәләре буенча бәяләр үсеше күрсәтелгән коэффициенттан югарырак булган очракта, өстәмә рәвештә пенсия арттыру хокукын саклап калды.

       Шуны да билгеләп үтәргә кирәк, эшләүче пенсионерлар өчен индексацияне кабат кайтару иминият пенсиясенә һәм аның барлык төрләренә, шул исәптән инвалидлык буенча һәм туендыручысын югалту буенча пенсияләргә дә кагыла. Эшләүче пенсионерларга башка пенсия түләүләре һәм социаль пособиеләр киләсе елда элеккеге кебек үк индексацияләнүен дәвам итәчәк. Бу дәүләт һәм социаль пенсияләргә һәм пенсионерлар өчен иң киң таралган социаль ташламаларның берсе булган айлык акчалата түләү кебек төрләргә кагыла. Барлык санап үтелгән түләүләр эшләүче пенсионерлар өчен алдагы елларда да индексацияләнеп килде.

      Моннан тыш, эшләүче пенсионерлар пенсиясен индексацияләүгә өстәмә рәвештә август түләүләре кушылачак. Аның Татарстан Социаль  фонды бүлеге ел саен эш бирүче пенсионерларның  пенсияләрен формалаштыруга яңа иминият кертемнәре кертүе нәтиҗәсендә үткәрә.

       Әгәр сорауларыгыз булса, сез һәрвакыт Татарстан Социаль фонд бүлегенең бердәм контакт-үзәге телефоны буенча консультация ала аласыз: 8-800-1-00000-1 (дүш.-пәнҗ. 08.00 дән 17.00 гә кадәр, җомга 08.00 15.45 сәгатьләрдә).

      Актуаль яңалыклар белән сез шулай ук  ВКонтакте, Одноклассники һәм Telegram социаль челтәрләрендә - да таныша аласыз.аласыз.

Кайбыч районы прокуратурасы урлау өчен 61 яшьлек җирле кешегә карата җинаять эше буенча гаепләүне хуплады.

Суд аны Россия Федерациясе Җинаять Кодексының 158 маддәсенең 1 өлешендә каралган җинаять кылуда гаепле дип тапты (урлау, ягъни чит кешенең мөлкәтен яшерен урлау).

Судта ачыкланганча, 2024 елның 16 октябрендә, исерек хәлдә булган ир-ат,  табыш алу ниятеннән, чит кешенең мөлкәтен урлау максаты белән, иҗтимагый куркынычны һәм үз гамәлләренең хокукка каршы булуын аңлап, мөлкәти зыян китерү рәвешендә иҗтимагый куркыныч нәтиҗәләр булачагын алдан күреп, йорт хуҗабикәсе улын мәктәпкә озатырга урамга чыккан арада,  шкафан яшерен рәвештә  3000 сумлык яңа ир-атлар одеколонын  урлаган һәм аны үзенә кулланган.

Ир-ат үз гаебен таныган. Суд РФ Җинаять кодексының 158 маддәсенең 1 өлешендә каралган җинаять кылуда гаепле дип танырга һәм аңа 100 (йөз) сәгатькә мәҗбүри эшләр рәвешендә җәза билгеләргә карар чыгарды.

Хөкем карары законлы көченә кермәде.