ЯҢАЛЫКЛАР
1920 елның 27 маенда ТАССР төзелү турында декрет имзалана. Шушы 100 ел эчендә безнең республика үз үсешендә сизелерлек нәтиҗәләргә иреште. Без икътисад, мәдәният һәм фән өлкәсендәге уңышлар белән хаклы рәвештә горурлана алабыз.
Соңгы елларда Кайбыч тотрыклы үсүче район булды. Җитәкчелекнең төп максаты-халыкның тормыш дәрәҗәсен һәм сыйфатын арттыру. Моның өчен яңа объектлар, торак йортлар төзелә, капиталь ремонт үткәрелә, юллар төзелә. Дәүләт программалары һәм милли проектлар ярдәмендә, республика җитәкчелеге ярдәме белән, авылларның социаль йөзе үзгәрә, халыкның тормыш-көнкүреше елдан-ел арта бара.
Татарстан Автономияле Совет Социалистик Республикасы төзелүгә 100 ел тулу белән котлыйм. Чын күңелдән туган республикабыз һәм туган ягыбызның төп мирасын – тарихыбызны һәм гореф-гадәтләребезне, күпмилләтле дуслыкны һәм тынычлыкны саклап калуны телим. Республиканың барлык кешеләренә киләчәктә дә уңышлар, нык сәламәтлек һәм хезмәттә зур уңышлар телим.
Ихтирам белән, Кайбыч муниципаль районы башлыгы Альберт Рәхмәтуллин.
Барлык мөселманнарны чын күңелдән бәрәкәтле изге бәйрәм ураза гаете белән тәбрик итәм!
Аллаһы Тәгалә Рамазан аенда тоткан уразаларыбызны кабуллардан кылып, күңелләребезне иман нуры белән баетсын, барчабызга да хәерле, имин тормышлар насыйп итсен, җаныбызга нур, күңелгә яктылык, саулык, йортка иминлек, ризыкка бәрәкәт бирсен! Барчабызга да сәламәтлек, бәхет һәм муллык насыйп итсен! Кылган догаларыбыз, теләгән теләкләребез кабул булып, дөньяларыбыз тыныч, табыннарыбыз мул, якын кешеләребез һәрчак янда булсын! Көннәребез аяз, дөньяларыбыз тыныч булсын!
Кайбыч муниципаль район башлыгы А.И. Рәхмәтуллин
Кайбыч районы прокуратурасы РФ Җинаять Кодексының 111 маддәсенең 2 өлешендә «з» пунктында каралган җинаять кылуда гаепләнүче җирле ханымга карата (корал сыйфатында кулланыла торган предметны кулланып кеше гомере өчен куркыныч кеше сәламәтлегенә аңлы рәвештә авыр зыян китерү) җинаять эше буенча дәүләт гаепләвен хуплады.
Суд тарафыннан 2020 елның гыйнварында Кайбыч районының Плитинә бистәсендә үз йортында өйдәше белән исерек килеш сөйләшү барышында ир-атның корсагына пычак белән чәнчүе ачыклана. Нәтиҗәдә, зыян күрүченең сәламәтлегенә авыр зыян китерелгән.
Гаепләнүче җинаять кылуын тулысынча таныган.
Суд аңа 3 елга ирегеннән мәхрүм итү рәвешендә 2 ел сынау срогы белән шартлы рәвештә җәза билгеләде.
Хөкем карары законлы көченә кермәгән.
Кайбыч районы прокуратурасы
Кайбыч районы прокуратурасы җирле 42 яшьлек кешегә карата (ул РФ ҖК 318 маддәсенең 1 өлешендә каралган җинаять кылуда (хакимият вәкиленә карата, үз вазифаларын үтәүгә бәйле рәвештә, тормыш һәм сәламәтлек өчен куркыныч булмаган көч куллануда) гаепләү карарын раслады.
Тикшерү версиясе буенча, җинаятьче 2020 елның 8 апрелендә исерек хәлдә, Кайбыч районының Федоровское авылы кибетендә җирле кешегә карата ызгыш-җәнҗал куптарган.
Әмма гаепләнүче полиция хезмәткәренең хакимият вәкиле булуын аңлап та, аңың яңагына кулы белән суга.
Хәзерге вакытта җинаять эше материаллары, асылда, карап тикшерү өчен, Кайбыч район судына җибәрелде.
Әлеге җинаять кылган өчен җәзаның иң катгый төре Россия Федерациясе Җинаять Кодексы белән биш елга кадәр иректән мәхрүм итү рәвешендә билгеләнгән.
Кайбыч районы прокуратурасы
Кайбыч районында яшәүчеләргә икенче кабат бушлай азык-төлек җыелмалары кайтартылды. Аларны «Ярдәм янәшә! Помощь рядом!» республика хәрәкәте волонтерлары алып килде. Азык-төлекне алучылар исемлегендә ялгыз пенсионерлар, 4 балалы гаиләләр, җан башына уртача яшәү минимумыннан түбәнрәк булган 8 яшьтән өлкәнрәк балалар һәм әти-әниләре шәхси эшмәкәрләр булган яки пандемиядән аеруча зыян күргән тармакларда үзмәшгульлек сыйфатында теркәлгәннәр бар. Азык-төлек алучылар исемлеге Татарстан Республикасы Хезмәт, мәшгульлек һәм социаль яклау министрлыгы тарафыннан билгеләнгән. Кошман авыл җирлеге территориясендә яшәүче барлыгы 12 кеше шундый азык-төлек җыелмаларын алды. Шулай ук тагын 7 кеше районнан азык-төлек җыелмалары алды.
Мәҗбүри пенсия иминиятләштерүе турындагы Федераль Законга кертелгән төзәтмәләр буенча 2020 елның 1 июленнән башлап балигъ булмаган яшьтәге балаларның опекуннары яки попечительләре индексацияләнгән иминият пенсияләре ала башлаячаклар. Бу хакта Россия Пенсия фондының Татарстан Бүлекчәсе хәбәр итә.
Хәзерге вакытта түләнелә торган попечительлек эшчәнлегенә (мәсәлән, тәрбиягә бала алган гаилә килешүе кысаларында) мәҗбүри пенсия иминиятләштерүе кагыйдәләре җәелдерелгән, шуңа күрә опекун пенсионерлар өчен иминият взнослары күчерелә, ә индексацияләнгән күләмендә пенсия опека срогы чыкканнан соң гына түләнелә.
1 июльдән индексацияләнгән пенсия түләүне тәэмин итү өчен 15 июньгә кадәр Пенсия фонды Бүлекчәләре опекун пенсионерларның исемлеген актуальләштерә, 24 июньгә кадәр почта һәм кредит оешмаларына кирәкле документларны формалаштыра.
“Якынча исәпләүләр буенча Республикада тәрбиягә бала алган 300 гә якын пенсионер арттырылган пенсия алачак,”- дип дип белдерде Татарстан Пенсия фонды Идарәчесе Эдуард Вафин.
Татарстанда бушлай азык-төлек җыелмалары кайтартыла башлады. Аларны «Ярдәм янәшә! Помощь рядом!» республика хәрәкәте волонтерлары алып килә. Азык-төлекне алучылар исемлегендә ялгыз пенсионерлар, 4 балалы гаиләләр, җан башына уртача яшәү минимумыннан түбәнрәк булган 8 яшьтән өлкәнрәк балалар һәм әти-әниләре шәхси эшмәкәрләр булган яки пандемиядән аеруча зыян күргән тармакларда үзмәшгульлек сыйфатында теркәлгәннәр бар. Азык-төлек алучылар исемлеге Татарстан Республикасы Хезмәт, мәшгульлек һәм социаль яклау министрлыгы тарафыннан билгеләнгән. Әлеге җыелмага карабодай ярмасы, макарон, он, куертылган сөт, кәнфит, сушки, яшел борчак, алма нектары, көнбагыш мае, консервлар, чәй, шикәр комы һәм вафли керә.
Кайбыч районы прокуратурасы РФ Җинаять Кодексының 111 маддәсенең 2 нче өлешендә каралган (корал сыйфатында кулланыла торган предметны кулланып кеше гомеренә куркыныч зыян китерү) җинаять кылуда гаепләнүче 53 яшьлек ханымга карата гаепләү карарын раслады.
Тикшерү версиясе буенча, 2020 елның гыйнварында Кайбыч районының Плетени поселогында исерек хәлдә, авылдашы белән кинәт килеп чыккан конфликт вакытында өстәлдән кухня пычагы алып, зыян күрүченең корсагына бер тапкыр кадый.
Нәтиҗәдә, зыян күрүчегә корсак стенасының уң як яраланган ярасы рәвешендә тән җәрәхәте китерелгән, ул сәламәтлеккә авыр зыян буларак бәяләнә.
Гаепләнүче үз гаебен тулысынча таныды.
Гаепләү карарын имзалаганнан соң, җинаять эше, асылда, карап тикшерү өчен, Кайбыч район судына җибәрелде.
Кайбыч районы прокуроры
Сөләйманов Алмаз Ренат улы
С. т. 89047165096
2020 елның маенда алда торган бәйрәм һәм ял көннәре булу сәбәпле пенсионерларга пенсия түләү графигына үзгәрешләр кертелә. Бу хакта Россия Пенсия фондының Татарстан Бүлекчәсе хәбәр итә.
“Татарстан почтасы” Федераль Почта элемтәсе Идарәсе пенсияләрне вакытыннан алдарак түбәндәге көннәрдә китерәчәк:
3-5 май көннәрендә бирелә торган пенсияләр 2020 елның 2 маенда, почта элемтәсе бүлекчәсенең эш режимында китереләчәк;
9 май көне китереләсе пенсияне пенсионерлар 7-8 майда алачак;
Калган көннәрдә пенсияләр графигы буенча, Татарстан почта элемтәсе бүлекчәсенең эш режимын исәпкә алып түләнәчәк.
Кредит оешмалары аша түләнә торган пенсия Һәм башка социаль түләүләр расланган график буенча җибәреләчәк.
Почта элемтәсе аша пенсия алуга кагылышлы сораулар буенча үз участогыгыздагы хат ташучыга, яисә сезгә хезмәт күрсәтүче почта элемтәсе бүлекчәсенә мөрәҗәгатҗ итәргә мөмкин. 8-800-100-00-00 телефоны буенча Россия Почтасының кайнар линиясенә дә шалтырата аласыз.
Өлкән яшьтәге кешеләр даими ярдәмгә мохтаҗ халыкның иң зәгыйфь категорияләреннән берсе булып тора. Бигрәк тә хәзер үз-үзеңне изоляцияләү режимында аларга ярдәм һәм игътибар кирәк.