ЯҢАЛЫКЛАР

Россия Пенсия фонды катлаулы эпидемиологик хәлгә бәйле рәвештә пенсияләр билгеләү һәм аны түләү буенча карар кабул итүне гадиләштерелгән тәртиптә алып бару максатында агымдагы елның апреленнән июленә кадәр кертелгән вакытлыча чараларны озайтты. Бу хакта Пенсия фондының Татарстан Бүлекчәсе хәбәр итә. Пенсия фонды пенсия һәм посбиеләрнең кайберләрен июль ахырына кадәр дистанцион рәвештә билгели, шулай ук гражданнар сорауларына кирәкле мәгълуматлар бирү, моңа кадәр билгеләнгән түләүләр вакытын озайту һәм кабат исәпләү  дә ай ахырына  кадәр дистанцион рәвештә башкарылачак.

Россия Пенсия фонды катлаулы эпидемиологик хәлгә бәйле рәвештә пенсияләр билгеләү һәм аны түләү буенча карар кабул итүне гадиләштерелгән тәртиптә алып бару максатында агымдагы елның апреленнән июленә кадәр кертелгән вакытлыча чараларны озайтты. Бу хакта Пенсия фондының Татарстан Бүлекчәсе хәбәр итә. Пенсия фонды пенсия һәм посбиеләрнең кайберләрен июль ахырына кадәр дистанцион рәвештә билгели, шулай ук гражданнар сорауларына кирәкле мәгълуматлар бирү, моңа кадәр билгеләнгән түләүләр вакытын озайту һәм кабат исәпләү  дә ай ахырына  кадәр дистанцион рәвештә башкарылачак.

Инвалид яисә инвалид баланы йөртә торган автотранспортны парковкага түләүсез кую өчен рөхсәт кәгазен хәзер онлайн режимда алып була. Бу хакта Россия Пенсиия фондының Татарстан бүлекчәсе хәбәр итә. “Россия  Федерациясендә инвалидларны социаль яклау” турындагы федераль Законга әлеге үзгәрешләр агымдагы елның 1 июленнән кертелде һәм ул инвалидларның дәүләт һәм муниципаль хезмәтләрдән файдалана алу мөмкинлеген арттыру юнәлешендә бер адым булып тора.

         Элеккечә, инвалид утырып барасы машина номеры, маркасы һәм моделе күрсәтелеп язылган гаризаны дәүләт хезмәтләре порталындагы шәхси кабинет аша биреп була. Түләүсез парковкага хокукыгыз барлыкны исбатларга кирәкми, барлык мәгълуматлар операторы Россия Федерациясе  Пенсия фонды булган инвалидларның Федераль реестры базасында бар. Моннан тыш гаризаны инвалидларның федераль реестры сайтындагы  «Инвалидның шәхси кабинетында” яисә күпфункцияле үзәк аша бирергә мөмкин. Гаризалар Пенсия фондының клиентлар белән эшләү хезмәтендә кабул ителми. Автомобиль турында  мәгълумат реестрга алда әйтелеп үтелгән юл белән бирелгәннән соң гына кертелә.

         Түләүсез парковкадан файдалану рөхсәте беренче һәм икенче төркем инвалид йөрткән яисә,  I-II төркем инвалидны  яисә инвалид баланы  йөрткән  автотранспортка гына бирелә. Мөстәкыйль рәвештә хәрәкәтләнә алмаучы өченче төркем  инвалидлар да түләүсез парковкадан файдалана ала.

         Законга яңа кертелгән үзгәрешләр буенча гариза бары бер автотранспорт маркасына гына бирелә.

         Транспорт чарасы турында мәгълуматларны  үзгәртергә кирәк булган очракта кабат гариза языла, инвалидларның федераль реестрына иң ахыргы булып кертелгән мәгълумат актуаль дип санала. Мәгълуматлар реестрга 15 минут эчендә керә, бу исә инвалид утырып барган таксига да шәһәр буенча хәрәкәт иткәндә кирәкле урыннарда  түләүсез туктар өчен реестрга машина номерын кертергә мөмкинлек бирә.

         Реестрга кертелгән мәгълумат илнең барлык территориясендә дә гамәлдә була, моңа кадәр һәр субъектның үз мәгълумат базасы бар иде. Димәк Федераль реестрга кертелгән автомобиль белән теләсә кайсы регионда түләүсез  парковка өчен  билгеләнгән урыннардан файдаланырга була.

         Барлык субъектларның хакимият органнары реестрга кереп карый ала, җәмәгать урыннарындагы түләүсез тукталу урыннары санын да алар билгели.

         “Инвалид”  билгесен  2020 елның 1 июленә кадәр алган гражданнарга реестрга мәгълумат кертү вакыты ел ахырына кадәр озайтыла, - алар  үзләрендә  булган билгедән кулланып, ел ахырына кадәр  парковкадан  түләүсез файдалана алалар. 2021 елның 1 гыйнварыннан соң түләүсез парковкага хокук булу-булмау федераль реестр мәгълуматлары буенча тикшереләчәк, - дип билгеләп үтте  Пенсия  фондының Татарстан Бүлекчәсе Идарәчесе Эдуард  Вафин.

         Исегезгә төшерәбез, 2020 елның 1 мартыннан  1 октяберенә кадәр инвалидлык бирүнең вакытлыча тәртибе гамәлдә, аның буенча инвалидлыкны  ачыклау процедурасы инвалидны медик-социаль  экспертиза бюросына китереп тормыйча, медицина учреждениясе бирән документлар буенча  башкарыла, инвалидлык  срогы да  читтән торып кына озайтыла.

         Тулырак мәгълумат htt://www.pfrf/ru/press_center/~2020/06/30/208500

Татарстан  Республикасы буенча Пенсия фоды Бүлекчәсе республикада  ана (гаилә) капиталына 300 меңенче сертификат тапшырылуы хакында хәбәр итә.

         Юбилей  сертификатына ия булган Исмәгыйловлар гаиләсе Байлар Сабасында яши. Эльвина һәм Ринат Исмәгыйловларның көтеп алынган беренче балалары Самина истәлекле көн – социаль хезмәткәрләр көнендә туган. Һөнәре буенча шәфкать туташы Эльвина  хәзер бар вакытын сабые янында үткәрә, Ринат балалар  иҗат үзәгендә эшли.

         “Кызыбыз туу шатлыгына саллы  материаль ярдәм дә өстәлде. Гаиләләр  иминлеге хакында Республика һәм ил күләмендә кайгыртулары икеләтә куанычлы. Сертификатка өстәп без республикадан өстәмә түләү дә алачакбыз, ул ярдәм Рөстәм Нургалиевич тәгъдиме буенча күрсәтелә”,- дип сөенечләре белән уртаклаштылар бәхетле ата-ана.

         Гаиләнең сертификатны ЗАГС һәм башка ведомостволар биргән мәгълуматлары буенча проактив режимда алуларын да искәртеп узу урынлы булыр. Әлеге мөмкинлектән гражданнар 2020 елның апреленнән башлап файдаланалар. Пенсия фондына мөрәҗәгать  итмичә генә 6370 сертификат бирелде инде. 

         2020 ел истәлекле вакыйгаларга бай, без ТАССРның 100 еллыгын бәйрәм иттек, быел Россия Пенсия фонды оешуга 30 ел тула, бүген без 300 меңенче сертификатны тапшырдык. Бер атна элек Конституциягә  үзгәрешләр кертү буенча лаеклы позициядә булуыбызны күрсәттек һәм әлбәттә, алда Татарстан Президентын сайлаулар хакында да истән чыгармаска кирәк. Мин һәркайсыбызның киләчәк буыннар өчен ышанычлы киләчәк хакына дөрес адым ясаячагына ышанам”, - дип белдерде Татарстан Пенсия фонды Идарәчесе Эдуард Вафин.

         Хәтерлисездер, ана  капиталына беренче сертификат ерак 2007 елда тапшырылган иде. Ул вакытта балалы гаиләләргә дәүләт  ярдәменең бер төре 250 мең сум тәшкил итте. Бүгенгә бу сумма 2,5 тапкырга артты һәм 616 617 сумга кадәр җитте. 2020 елдан башлап сертификат гаиләдә беренче булып туган яисә уллыкка алынган балаларга да бирелә, аның күләме 466 617 сум тәшкил итә.

         Программа гамәлдә булган еллар дәвамындагы кебек, бүген дә ана капиталын күбесенчә торак шартларын  яхшыртуга  юнәлдерелә. Ул гомуми күрсәткечнең  90 процентын тәшкил итә.

7  июнь конне мәктәп янына куелган башняга су кудыра торган  каптажга яңа насос куелды.

Кайбыч районы прокуратурасы РФ ҖК 318 маддәсенең 1 өлешендә каралган җинаять кылуда (хакимият вәкиленә карата, үз вазифаларын үтәүгә бәйле рәвештә, тормыш һәм сәламәтлек өчен куркыныч булмаган көч куллануда) гаепләнүче 42 яшьлек җирле кешегә карата дәүләт гаепләвен хуплады.

Суд тарафыннан 2020 елның 18 апрелендә хөкем ителүче исерек хәлдә булуы ачыкланды, Кайбыч районының Федоровское авылы кибетендә җирле кешегә карата көч кулланган.

Аның гамәлләре Россия Эчке эшләр министрлыгының Кайбыч районы буенча бүлеге хезмәткәре тарафыннан туктатылды, ул әлеге хокукка каршы гамәлләрне туктатуны таләп иткән.

Әмма гаепләнүче полиция хезмәткәренең хакимият вәкиле булуын аңлап та, аның битенә кулы белән суккан.

Суд хөкем ителүчегә 20 мең сум күләмендә штраф билгеләде.

Кайбыч районы прокуратурасы

Кайбыч районы прокуратурасы «Дубрава» Агрофирмасы»  җаваплылыгы чикләнгән җәмгыятендә закон таләпләрен үтәүне тикшерде. Прокурор тикшергәннән соң җирле хатынның баланы карап тотуга алиментлар алмавы турындагы мөрәҗәгате сәбәп булган.

«Дубрава» Арофирмасы» җаваплылыгы чикләнгән җәмгыятенең 2020 елның апрель һәм май айларында алимент сыйфатында бурычлы баланың хезмәт хакының 1/3 өлешен тотуы ачыкланды, әмма Ана файдасына акча оешма администрациясе гаебе белән күчерелмәде, бу бала хокукларын бозуга китергән.

Закон нигезендә, эш урыны буенча оешма администрациясе башкарма кәгазь нигезендә алиментлар түләргә тиешле затның хезмәт хакыннан ай саен алиментларны тотып калырга һәм алиментлар түләргә тиешле зат хисабына түләргә яки күчерергә тиеш.

Җәмгыять директоры адресына ачыкланган бозуларны бетерү һәм гаепле вазифаи затларны дисциплинар җаваплылыкка тарту турында күрсәтмә бирелде. Күрсәтмә карап тикшерелде һәм канәгатьләндерелде, җәмгыять бухгалтеры дисциплинар җаваплылыкка тартылды.

Прокуратура тикшергәннән соң, баланың алиментка хокуклары торгызылды, алимент буенча бурыч 12160,45 сум күләмендә тулысынча түләнгән.

Кайбыч районы прокуратурасы

Кайбыч районы прокуратурасы РФ Җинаять кодексының 158 маддәсенең 3 бүлегендә каралган җинаять кылуда гаепләнүче 32 яшьлек җирле кешегә карата (торакка законсыз үтеп керү белән урлау) җинаять эше буенча дәүләт гаепләвен хуплады.

Эш буенча 2020 елның февралендә Кайбыч районының Олы Тәрбит авылында яшәүче авылдашының өендә 950 сумлык кроссовка һәм 3822 сумлык кәрәзле телефон урлаган.

Суд Дәүләт гаепләүченең фикере белән килеште һәм, хөкем ителүченең шәхесе турындагы җинаятьнең авырлыгын, җәзаны йомшартучы һәм авырайтучы хәлләрне исәпкә алып, гомуми режимлы төзәтү колониясендә җәза үтәү өчен, 3 ел 6 айга иректән мәхрүм итүне билгеләде.

Суд карары законлы көченә кермәгән.

Кайбыч районы прокуратурасы

Татарстан Республикасында социаль челтәрләрдә һәм пабликларда язмалар урнаштыру юлы белән мошенниклык гамәлләре очраклары ачыклана.

3 яшькә кадәрге, 3 яшьтән 16 яшькәчә балаларга бирелә торган акчалар булачак пенсияләрнең тупланма өлешен киметү хисабына түләнә, дигән дөрес булмаган мәгълумат таратып, мошенниклар уйдырма хәбәр тарата.

          Татарстан Республикасы буенча Пенсия фонды Бүлекчәсе өч яшькә кадәрге һәм өч яшьтән  16 яшькәчә бала тәрбияләүче гаиләләргә акчалата ярдәм Федераль бюджеттан  түләнә һәм берничек тә пенсия күләмен киметми, дип искәртә. Әлеге хәбәр – мошенниклар эше!

           Барлык шикле очраклар туганда татарстанлыларга (843) 279-27-27 номеры буенча Пенсия фондының контакт-үзәгенә мөрәҗәгать итәргә кирәк.

16 яше тулмаган балалар тәрбияләүче ата-аналарга, опекун яисә попечительләргә, 16 яшькә кадәрге баланы уллыкка алучыларга июль аенда балаларның һәркайсына унар мең сум акча түләячәк. Бу хакта Россия Пенсия фондының Татарстан Бүлекчәсе хәбәр итә. РФ Президентының 2020 елның 7 апрелендәге 249 номерлы “Балалары булган гаиләләргә өстәмә социаль ярдәм чаралары турында”гы Указы нигезендә бу акча агымдагы елның апреленнән һәм июнь аеннан 3 яшькә кадәрге балаларга 5 мең сум, 3 яшьтән 16 яшькә кадәрге балаларга ун мең сум күләмендәге акчалата түләүләргә өстәмә рәвештә бирелә.

         Әлеге өстәмә ярдәмнең үзенчәлеге шунда: бу акчаны түләүне сорап, беркая да мөрәҗәгать итәргә кирәкми, чөнки Пенсия фонды, 5 һәм 10 мең сум түләү турындагы карарларга нигезләнеп, түләүне рәсмиләштерә һәм акча күчерә.

         “Моңа кадәр 3 яше тулмаган балаларга 3 ай дәвамында 5 әр мең сум, 16 яшькә кадәрге балаларга берьюлы түләнә торган 10 мең сум акчаны алган ата-аналар һәм әлеге категория балаларның опекуннары бу төр акчалата ярдәмне автомат рәвештә алачаклар, Пенсия фондына гариза белән мөрәҗәгать итәргә кирәкми”, - дип билгеләп үтте Пенсия фондының Татарстан Бүлекчәсе Идарәчесе Эдуард Вафин.

      Әлегә кадәр 3 яшькә кадәрге яки 3 яшьтән 16 яшькәчә балаларга тиешле акча түләүне сорап мөрәҗәгать итмәгән гаиләләрдәге балаларга 10 мең сум өстәмә акча әти-әниләр яки опекуннар беренче төр ярдәмне сорап язганнан соң гына түләнә. Моңа кадәр әле 3 айдан артык вакыт бар, гаризалар 30 сентябрьгә кадәр кабул ителә. Гариза буенча уңай карар чыгарылган очракта өстәмә 10 мең сум акча бернинди тоткарлыксыз күчерелә.

        Кабат искәртәбез, 10 мең сум күләмендә өстәмә акча алу өчен әти-әниләргә һәм опекуннарга гариза белән мөрәҗәгать итәргә кирәкми, акча автомат рәвештә күчерелә.

     Әти-әниләргә ярдәм йөзеннән Пенсия фонды сайтында әлеге мәсьәләгә кагылышлы сораулар һәм җаваплар урнаштырылган.