ЯҢАЛЫКЛАР
Бүген, авылдашларыбыз Мотыйгуллина Равилә Нәби кызы – 70, ә Незаметдинова Гөлфия Ярхәм кызы – 80 яшьлек юбилейларын бәйрәм итә. Сезгә нык сәламәтлек, күңел тынычлыгы, кайгы-хәсрәтсез көннәр, ак бәхетләр, туганнарыгызның, балаларыгызның һәм оныкларыгызның күңел җылысын тоеп, игелекләрен күреп, бәхетле озын гомер кичерүегезне телибез. Юбилярны Кайбыч муниципаль район башлыгы А.И.Рәхмәтуллин исеменнән Ф.Ф.Петухова һәм Кошман авыл җирлеге башкарма комитеты сәркатибе Нафикова Г.Х. котладылар.
1 нче февраль көнне Кошман авыл җирлеге хезмәткәрләре тарафыннан халык арасында, шәхси секторларда янгын куркынычсызлыгы турында аңлату эшләре алып барылды, профилактик рейдлар үткәреләр, белешмәләр таратылды.
Рейдлар үткәрүнең беренчел максаты булып, иң элек караучысыз калган ялгыз кешеләр янында, социаль имин булмаган һәм күп балалы гаиләләрдә булу торды.
Кызганычка каршы, күп кенә йортларда янгын куркынычсызлыгы кагыйдәләре үтәлми. Әйтик, озак еллар дәвамында бер тапкыр да алмаштырылмаган электр үткәргеч чыбыклар, мунча мичләренең, морҗаларның төтен юлларының төзек булмавы... Саный китсәң, кагыйдәләрне үтәмәү очраклары бихисап. Иске чыбыклар пәрдәләр белән капланган, ут кабызгычлар һәм розеткалар, шулай ук, күпчелек өйләрдә дөрес урнаштырылмаган.
Рейдлар вакытында куркынычсызлык кагыйдәләрен сакларга кирәклегенә басым ясалды, ут белән шаяруның нинди аяныч хәлләргә китерүе турында аңлатылды.
Кайберәүләр, барысы да тәртиптә, тиешле контрольдә тотыла, бернинди бәла-каза да булмаячак дип, үз-үзләрен ышандыралар. Әлегә кадәр берни дә булмады бит, дип акланалар. Шулай да “Сакланганны гына саклармын” дигән бит Ходай.
Рейдлар дәвамында җәмгысы 10 имин булмаган гаиләдә булдык һәм янгын куркынычсызлыгы кагыйдәләре буенча инструктаж үткәрдек.
Кышкы салкыннарда мичләр аеруча кызу ягыла. Ә бу янгын китереп чыгаруны бермә-бер арттыра. Авылдашларыбыз янгын куркынычсызлыгы кагыйдәләрен төгәл үтәсәк иде. Бәла-каза бер генә килә, шуны онытмыйк, хөрмәтле авылдашлар.
24 гыйнвар көнне район башлыгы Альберт Рәхмәтуллин Кошман авылында яңа балалар бакчасы бинасы төзелешенең барышы белән танышты. Ул генераль подрядчы белән очрашты.
Бина "Мәгарифне үстерү" Федераль программа буенча төзелә. 50 урынга исәпләнгән яңа балалар бакчасы мәктәп территориясендә урнашачак. Эшне "Стройсервис" җәмгыяте оешмасы башкара.
24 гыйнвар көнне Кошман авылы мәдәният йортында халык җыены булып узды. Көн тәртибенә куелган “Кошман авыл җирлеге Советы һәм башкарма комитетының 2018 нче елда башкарган эше һәм алда торган бурычлар” мәсьәләсе буенча Кошман авыыл җирлеге башлыгы Лилия Сафина чыгыш ясады. Шулай ук төп чыгышка өстәмәләр белән Кошман төп гомуми белем бирү мәктәбе директоры Фәнис Гыйниятуллин, авыл китапханәсе методисты Гөлия Сафиуллина, ФАП фельдшеры Ирек Әхмәтов, полициянең участок уполномоченные Раил Ногуманов чыгыш ясадылар.
Халык җыенында район башлыгы Альберт Рәхмәтуллин, аның урынбасары Рәмис Хәялиев һәм бүлек җитәкчеләре катнашты.
Җыелыш ахырында район башлыгы Альберт Рәхмәтуллин булган сорауларга җавап бирде, очрашуга йомгак ясап, авыл җирлегенең еллык эшен уңай бәяләде
24 нче гыйнвар көнне мәдәният йорты бинасында Кошман авыл жирлеге Советы һәм башкарма комитетының еллык отчет жыелышы була. Сезнең гаиләне, чакырылган вакытка килеп, җыелышта катнашуын көтеп калабыз.
Башлану вакыты: 13.00 сәгатьтә.
Ихтирам белән авыл җирлеге Советы
Бүген район мәдәният йортын каршында оештырылган "Ак җилкән" халык театры артистлары, Хәбир Ибраһим әсәре буенча "Ялгыз каен күзе" спектакле курсәтәчәкләр. Башлана 19.00 сәгатьтә. Көтеп калабыз.
Бүген, авылдашыбыз Хикматуллин Әсхәт Габдулла улы - 80 яшьлек юбилеен бәйрәм итә. Сезгә нык сәламәтлек, күңел тынычлыгы, кайгы-хәсрәтсез көннәр, ак бәхетләр, туганнарыңның, балаларыңның һәм оныкларыңның күңел җылысын тоеп, игелекләрен күреп, бәхетле озын гомер кичерүеңне телибез. Юбилярны Кайбыч муниципаль район башлыгы А.И.Рәхмәтуллин исеменнән Ф.Ф.Петухова һәм Кошман авыл җирлеге башлыгы Л.Р.Сафина котладылар.
Бүген, авылдашыбыз Фәизова Зөһрә Шәйхи кызы - 70 яшьлек юбилеен бәйрәм итә. Сезгә нык сәламәтлек, күңел тынычлыгы, кайгы-хәсрәтсез көннәр, ак бәхетләр, туганнарыңның, балаларыңның һәм оныкларыңның күңел җылысын тоеп, игелекләрен күреп, бәхетле озын гомер кичерүеңне телибез. Юбилярны Кайбыч муниципаль район башлыгы А.И.Рәхмәтуллин исеменнән Ф.Ф.Петухова һәм Кошман авыл җирлеге башлыгы Л.Р.Сафина котладылар.
12 гыйнвар көнне барыгызны да иске Яңа елны каршылау тантанасына чакырабыз!
Хөрмәтле Кайбыч районы халкы! 2019 елның 1 гыйнварыннан 15 гыйнварына кадәр муниципаль берәмлекләр арасында Үзәк чыршыны иң яхшы бизәү буенча республика конкурсы уза. Сезне безнең Яңа ел чибәре өчен тавыш бирүегезне сорыйбыз! Моның өчен сылтама буенча күчегез http://msu.tatarstan.ru/rus/elka-2019.htm. Безнең районга ярдәм итегез!