ЯҢАЛЫКЛАР

          2019 елның 5 июлендә мирас эшләрен нотариаль алып бару тәртибен гадиләштерүче Икътисадый үсеш министрлыгы боерыгы үз көченә керә. Боерык нигезендә, нотариуслар тикшерүченең тапшыру хокукын теркәү нигезләре турындагы документлардан турыдан-туры соратып алу мөмкинлеген ала. Нотариуска Росреестрдан Кадастр палатасы тарафыннан бирелә торган мәгълүматлар исемлеген киңәйтү гражданнар өчен мирасны рәсмиләштерү процессын сорашырга мөмкинлек бирәчәк.

Кичә, 8 июль көнне Олы Кайбыч авылының «Рәйхан» кафесында Гаилә, мәхәббәт һәм тугрылык көненә  багышланган  бик матур чара узды. Әлеге чарада район башлыгы Альберт Рәхмәтуллин катнашты.

     Бу тантанага  50, 55 һәм 60 ел бергә яшәгән парлар чакырылган иде. Безнең авылдан "алтын" юбилярлар Рафик һәм Раузания Хәйретдиновлар катнашты.

     Бәйрәм ахырында барлык парларга да район башлыгы Альберт Рәхмәтуллин Рәхмәт хатлары, истәлекле бүләкләр һәм чәчәкләр тапшырды.

Татарстан Республикасы буенча Росреестр идарәсе республика районнарында яшәүче гражданнар өчен ай саен күчмә консультацияләр үткәрә. Гамәлдәге практика буенча территориаль бүлекләрдә гражданнарны Идарә җитәкчесе урынбасарлары кабул итә. Аны үткәрү вакытында гражданнар хокукларны яки кадастр исәбен дәүләт теркәвенә алуны гамәлгә ашырганда барлыкка килгән теге яки бу проблемалы вәзгыятьне, шулай ук идарә эшчәнлеге белән бәйле башка мәсьәләләрне хәл итүдә юридик ярдәм алу мөмкинлегенә ия.

Кошман авылында 50 урынлы мәктәпкәчә белем бирү оешмасы төзелеше гөрләп бара.

Социаль өстәмә түләүне кабат исәпләү  нәтиҗәсендә эшләмәүче 72 мең пенсионерның пенсияләре артып килде. Уртача алганда, айлык өстәмә түләүләр 460 сумга артты.

Кабат исәпләү «Дәүләт социаль ярдәме» һәм «Россия Федерациясендә яшәү минимумы» турындагы федераль законнарга быелның апрелендә кертелгән үзгәрешләргә туры китереп башкарылды.

«Пенсияләр гражданнарның мөрәҗәгатеннән башка гына, Пенсия фонды тарафыннан бирелә торган өстәмә түләүләр белән бергә арттырылды. Пенсионерларның күпчелеге арткан түләүләрне май ае пенсияләре белән бергә алды. 1 июльгә кадәр кабат исәпләүләр тулысынча төгәлләнәчәк», - дип искәртте Татарстан Республикасы буенча Россия Пенсия фонды Бүлекчәсе Идарәчесе Эдуард Вафин.

Хәзерге вакытта федераль социаль өстәмә түләуләр буенча эш Татарстанның барлык районнарында да алып барыла. Аны 72 мең эшләмәүче пенсионер алачак, аның күләме уртача 1,7 мең сум тәшкил итә.

* * *

2019 елга кадәр гамәлдә йөргән тәртип буенча пенсияләргэ өстәмә социаль түләүләр күләме үткәрелгән индексацияләр һәм айлык акчалата түләүләрне исәпкә алып билгеләнә иде. Бу исә һәр яңа индексация нәтиҗәсендә пенсия яки айлык акчалата түләүләрнең күләме артуга пропорциональ рәвештә  социаль өстәмә түләү күләменең кимүенә китерә иде. Нәтиҗәдә пенсионерның пенсия күләме яшәү минимумы югарылыгында сакланса да  индексацияләнгәннән соң  үзгәрешсез кала.

Законга кертелгән үзгәрешләр исә пенсионерларның пенсия, социаль түләүләр һәм социаль ярдәмнең кайбер башка төрләреннән торган керемнәрен социаль өстәмә түләү юлы белән башта яшәү минимумына кадәр җиткерүне, аннан сон гына индексацияләү юлы белән арттыруны күздә тота. Шулай итеп, индексацияләу нәтиҗәсендә арттыру пенсионерның яшәү минимумына бәйсез  башкарыла һәм пенсиягә өстәмә түләү күләмен киметми.

Россия Президенты Указы нигезендә 2019 елның 1 июленнән инвалид-балалар  һәм балачактан инвалидларны караган өчен айлык түләүләр арта. Аның күләме ике тапкыр диярлек, 5.5 мең сумнан 10 мең сумга кадәр җиткерелде. Инвалид-балаларны караучы яки беренче төркем балачактан инвалидларны тәрбияләүче әти-әниләр, шулай ук әлеге категория гражданнарның опекуннары һәм попечительләре шул суммада акча алачак. Чит кеше ярдәменә мохтаҗ булучыларны караган өчен түләү үзгәрешсез кала, ул 1,2 мең сум тәшкил итә.

Арттырылган күләмдә түләүне июль аенда мөрәҗәгать итүчеләр генә түгел, әлегә кадәр бу төр түләүне ала торган 9 мең кеше дә алачак. Түләүне арттыру өчен Пенсия фондына мөрәҗәгать итәргә кирәкми.
Хәзерге вакытта 9.5 мең инвалид-бала яки балачактан инвалид беренче төркем инвалидны караучы гражданнарга 5.5 мең сум акча түләнә. 

«Айлык акчалата түләүне Россиядә яшәүче, хезмәткә яраклы булып та, 18 яшькә җитмәгән инвалид-бала яисә беренче төркем балачактан инвалидны караучы гражданнар ала. Әлеге төр түләү инвалид-баланың яки балачактан инвалидның пенсиясе буенча билгеләнә»,- дип билгеләп үтте Россия фондының Татарстан Республикасы буенча Бүлекчәсе Идарәчесе Эдуард Вафин.

Инвалид-бала караган өчен түләүне сорап шәхси кабинет аша да мөрәҗәгать итәргә мөмкин, Россия Пенсия фонды сайтында түләү билгеләү һәм гражданның инвалид-бала карарга ризалыгын белдереп гариза язу сервислары эшли. Сез шулай ук Пенсия фонды органнарындагы клиентларны кабул итү хезмәтенә дә мөрәҗәгать итә аласыз.

Татарстан Республикасы буенча Пенсия фонды бүлекчәсе соңгы араларда өченче буын вәкилләренә Пенсия фонды органнарында бушлай күрсәтелә торган хезмәтләрне көчләп тагу юлы белән шактый югары бәя  хисабына үтәү очракларының ешаюы турында хәбәр итә .         

Аерым алганда, сүз юридик хезмәтләр күрсәтүче фирмаларның пенсия яшендәге өлкәннәргә пенсияләрен кабат исәпләүне сорап гариза яздырулары хакында бара. Әлбәттә, бу хезмәт өчен шактый суммада түләү таләп ителә.

Исегезгә төшерәбез, әлеге хезмәт Пенсия фонды органнарында бушлай күрсәтелә. Моннан тыш сез пенсия яки башка түләүләр күләмен Россия Пенсия фонды сайтындагы гражданның шәхси кабинетында онлайн режимда да карый аласыз.

Татарстан Республикасы буенча Пенсия фонды бүлекчәсе моңа охшаш шикле очракларда татарстанлыларның (843) 27-9-27-27 телефоны буенча Россия Пенсия фондының контакт-үзәгенә хәбәр итүләрен сорый.

Хезмәт өчен түләүнең яшерен формасы кебек хезмәт законнары өлкәсендәге хокук бозулар турында мөрәҗәгатьләрне халык контроле дәүләт мәгълүмат системасына сылтама буенча җибәрергә мөмкин https://uslugi.tatarstan.ru.

Бүген, авылдашларыбыз Нәфкат һәм Шәфкать Фәйзуллиннар армия сафларына китте. Бу көнне аларны әти-әниләре, туганнары, дуслары һәм сыйныфташлары озатты. Район башлыгы Альберт Рәхмәтуллин исеменнән солдатларга котлау сүзләрен район башкарма комитеты җитәкчесе Алексей Макаров җиткерде. Ул егетләргә хәерле юл, лаеклы хезмәт, исән-сау өйгә кайтырга теләде, шулай ук аларның гаиләләренә истәлекле бүләкләр тапшырды. Шулай ук егетләрне озатуда  беренчел хәрби исәпкә алу буенча белгеч Сәвия Зиннурова һәм "Форпост" үзәге директоры Юрий Михайлов катнашты.

Бүген,  күп еллар дәвамында бар көчен, тәҗрибәсен һәм һөнәри осталыгын, Кошман авылы халкының яшәү рәвешен яхшырту максатыннан намус белән хезмәт итүче  Лилия Рәшит кызы Сафинаның  50 яшьлек күркәм гомер бәйрәме.

        Хөрмәтле Лилия Рәшитовна, Сезне  юбилеегыз белән котларга рөхсәт итегез! 50 яшь – кеше өчен иң актив яшәү чоры. Сез үзегезне таләпчән, хезмәт сөючән, булдыклы җитәкче итеп таныттыгыз. Хезмәтегезне һәрчак күңел җылысын салып башкарасыз. Эшчәнлегегезнең уңышлы нәтиҗәләре артында гаять зур хезмәт, эшкә заманча якын килү, принципиальлелек,  зур оештыру сәләте һәм Сезгә хас булган эшлеклелек,  кешелеклелек сыйфатлары ята. Үтә җаваплы хезмәтегездә Сез зур дәрәҗәдәге хөкүмәт бүләкләренә ия булуыгыз - гомер юлыгыздагы изге эшләрегезнең матур нәтиҗәсе.

         Юбилей – ул һәрчак бер этап, һәрвакыт үткәннәргә борылып карау, якынча  нәтиҗәләр ясау, яшәлгән еллар турында уйлану һәм шуның белән бергә – булачак вакыйгаларны, перспективаларны ваемлау, яңа омтылышлар, максатлар  һәм хыяллар да. Шушы әһәмиятле көндә без Сезгә чын күңелдән иң кыю планнарыгызның тормышка ашуын телибез! Тормышыгызны һәрвакыт җан җылысы,  якыннарыгызның һәм туганнарыгызның, дусларыгызның, коллегаларыгызның ярдәме тулыландырып торсын. Сәламәтлек, бетмәс -  төкәнмәс көч, энергия, йортыгызда бәхет, иминлек хөкем сөрсен, ә янәшәгездә бары тик якыннарыгыз һәм дусларыгыз булсын. Сезнең искиткеч һөнәри һәм шәхси сыйфатларыгыз белән эшлекле абруегыз әле тагын күп еллар туган төбәгебез Кошманыбызның чәчәк атуына  уңышлы хезмәт итсен!

Иң изге теләкләр белән: Кошман авыл җирлеге коллективы, мәдәният йорты хезмәткәрләре.